Shefja e Grupit Parlamentar të Lëvizjes Vetëvendosje (LVV), Mimoza Kusari-Lila ka reaguar pas fitores së Kosovës ndaj Izraelit.

Me anë të një postimi në Facebook, Kusari-Lila tha se loja e sotme ndonëse e përcjellur me masa të rrepta sigurie ishte për futbollin dhe mbi të gjitha për paqen, shkruan Arbresh.info.

“Kosova sonte shënoi fitore ndaj Izraelit në rrugëtimin e kualifikimit për #Euro24. Loja e sontme përkundër se e përcjellur me masa të rrepta të sigurisë, ishte për futbollin dhe mbi të gjitha për paqen.”, shkroi ajo.

Tutje, ajo tha se sonte fitoi jo vetëm Kosova por edhe mesazhi i paqes.

“Urime Dardanëve dhe forca Kosova në ndeshjet e radhës!”, përfundoi ajo./Arbresh.info/

Kosova ka arritur të gjejë fitoren e dytë në kuadër të kampanjës kualifikuese në Kampionatin Evropian “Euro 2024”.

“Dardanët” mposhtën izraelitët me rezultat 1-0, me anë të golit të Milot Rashicës në minutën e 41-të, shkruan Arbresh.info.

Kosova pati edhe disa mundësi tjera për të shënuar por që nuk i konkretizuan rastet.

Me këtë fitore Kosova përforcon vendin e katërt në tabelën e grupit I, me 10 pikë./Arbresh.info/

LEXO EDHE:

Kosova triumfon minimalisht ndaj Izraelit